Betre forhald kunne ikkje arrangøren ha bedd om. Frå ein skyfri himmel var det strålande solskinn som bidrog til ei veldig god stemning. I starten var det antydning til litt vind, men den merka ikkje publikum nede i målområdet.

Det var full rulle under heile arrangementet og publikum såg ut til å storkose seg. Før rennet byrja sto blant anna Alexander Rybak, Frikar, Robin og Bugge for underhaldninga. Publikum strauma på og dei ansvarlege GD prata med sa at dei aldri har sett så mange på world cup som under denne laurdagen.

Siw Gråberg hadde teke turen til Kvitfjell med nokre av medlemane frå Øyer-Tretten alpinklubb.

- Dette er eit kjempearrangement og det er veldig fint for dei unge å sjå så fine idol. Eg har vore her mange år, men eg har aldri sett så mange, seier Gråberg.

For å gje eit inntrykk av stemninga har gd.no lagt ut nokre bilete du kan sjå på.