- Skikkeleg fett, er dommen frå Magnus Austad Løkken (13), Sivert Steen (14) og Stian Ripsrud (14) om Fronsbadet.

Presis klokka 16:00 opna Fronsbadet dørene for fyrste gong og dei tre gutane frå Stange var dei fyrste som kom inn. Med det vart dei smått historiske.

- Er jo ganske spesielt å vere dei fyrste inne, seier gutane.

41 personar

I løpet av dei fyrste tjue minutta kom det 41 personar inn dørene, mest småbarnsfamiliar. Kameratgjengen frå Stange som er på vinterferie i Sør-Fron kommune er ikkje i tvil om kva som frista mest av ein kald skitur og eit varmt bad.

- Er ikkje så verst å sitje i boblebadet når det er så kaldt ute, seier gutane.

Den som fekk æra av å gå gjennom inngangen fyrst var Magnus Austad Løkken.